Қазақстандық бес боксшы халықаралық турнирде үздік нәтиже көрсетті

Нидерландта өтіп жатқан Eindhoven Boxcup халықаралық турнирінде Дәулет Төлемісов, Ерасыл Жақпеков және Нұрлан Сапарбай жеңімпаз атанды, деп хабарлайды El.kz интернет порталы.

80 келі салмақта Ерасыл Жақпеков финалда украиналық Артур Касиановпен кездесіп, 5:0 есебімен айқын жеңіске жетті. Ал 85 келі салмақ дәрежесінде Дәулет Төлемісов те дәл сондай сенімділікпен украиналық Микола Лактионовты 5:0 есебімен ұтып, алтын медаль иеленді. Аса ауыр салмақта Нұрлан Сапарбай Деннис Охиодан (Германия) айласын асырып, Нидерландтағы Eindhoven Boxcup халықаралық турнирінде үздік шықты.

Бұған дейін бұл жарыста 70 келіде Абылайхан Жүсіпов және 50 келіде Даниял Сәбит те қарсыластарын жеңіп, чемпион атанған болатын.