Ыстық күнде сусыздануды қалай анықтауға болады

Сусыздану — ағза сұйықтықты жоғалтып, оны жеткілікті мөлшерде алмағанда пайда болатын қауіпті жағдай. Бұл — әсіресе жаз мезгілінде, қатты ыстықта терлеу күшейгенде жиі кездеседі, деп хабарлайды El.kz интернет порталы.

Осыған байланысты эндокринолог Гүлнара Сеидова gazeta.ru сайтына берген сұхбатында сусызданудың белгілері мен оның алдын алу жолдарын түсіндіріп берді.

Сусызданудың негізгі белгілері:

• Шөлдеу — ең алғашқы және айқын белгі;
• Ауыздың және шырышты қабықтардың кебуі;
• Зәрдің қоюланып, түсінің қарайып кетуі;
• Зәр шығарудың азаюы;
• Бас ауруы, әлсіздік;
• Шаршау, бас айналу немесе жалпы әлсіздік сезімі;
• Бұлшықет құрысуы.

Ауыр жағдайларда:

• Сананың шатасуы,
• Қан қысымының төмендеуі,
• Естен тану болуы мүмкін.

Ыстықта не ішу керек?

Маманның айтуынша, ең жақсы таңдау — таза ауыз су. Оны шағын мөлшермен, бірақ жиі ішу ұсынылады.

Сондай-ақ пайдалы:

• Электролиттік сусындар (изотоникалық сусындар, регидратациялық ерітінділер) — ағзадағы тұз бен минералдар тапшылығын толтырады;
• Кокос суы — табиғи электролит көзі;
• Сорпа мен көже — сұйықтықтың орнын толтыруға көмектеседі.

Нені ішуге болмайды?

• Кофеин көп мөлшерде бар сусындар;
• Алкогольді ішімдіктер — керісінше, ағзаны сусыздандырады.

Сусызданудың алдын алу үшін:

• Жиі және үнемі су ішіңіз, шөлдемесеңіз де;
• Жеңіл әрі ашық түсті киім киіңіз;
• Күннің ең ыстық уақытында тікелей күн сәулесінен сақтаныңыз.

Егер сусыздану белгілері күшейсе немесе ауыр белгілер байқалса (әлсіздік, бас айналу, сананың бұзылуы), дереу медициналық көмекке жүгіну керек. Кей жағдайда ағзаға инфузиялық (тамыр арқылы) сұйықтық енгізу қажет болуы мүмкін, – деп түсіндірді Гүлнара Сеидова.

Бұған дейін ыстықта қандай тағамдар жеуге болмайтынын жазған едік.