Тоқаев Словакия премьер-министрі Роберт Фицомен келіссөз жүргізді

Мемлекет басшысы Қасым-Жомарт Тоқаев Словакия премьер-министрі Роберт Фицомен келіссөз жүргізді, деп хабарлайды El.kz интернет порталы.

Президент Қазақстан мен Словакияны тығыз ықпалдастық байланыстыратынын айтты.

Біз ірі жобаларды жүзеге асырып жатырмыз. Дегенмен тиісті деңгейде зерделеп және болашақта қолға алатын жаңа бағыттар бар деп ойлаймын. Сондықтан Сіздің бұл сапарыңызға ерекше мән береміз, сондай-ақ екі ел арасындағы ынтымақтастықты дамытуға ықпал етеді деген сенімдеміз. Сіздің еліңізбен қарым-қатынасты жоғары бағалаймыз және Словакияны Қазақстанның Еуропа Одағындағы негізгі серіктестерінің бірі санаймыз. Сол себепті, мен Президент ретінде мемлекеттеріміз арасындағы ықпалдастықты түрлі салада кеңейту үшін бар күш-жігерімді саламын, – деді мемлекет басшысы.

Роберт Фицо қонақжайлық үшін зор ризашылығын білдірді.

Елдеріміздің саяси ұстанымында алшақтық жоқ екенін растаймын. Сондықтан өзара тиімді экономикалық байланыс пен достыққа баса мән беруіміз керек. Бүгін біз қос тарапқа да қызықты әрі маңызды бірнеше жобаны талқылаймыз. Бұл сапарымның қорытындысы табысты болатынына сенімдімін, – деді Словакия премьер-министрі.