Павлодар облысындағы дауылдан кейін қалпына келтіру жұмысы жүріп жатыр

Павлодар өңірінде қатты дауыл тұрып, көлікке дейін төңкеріп тастаған еді.

Өкінішке орай, Ақсу қаласында әйел адам опат болды. Алай-түлей дауыл ағашты құлатып, ағаш көліктің ішіндегі адамды жаншып кеткен. Жедел-құтқару қызметінің мәліметінше, дауыл салдарынан 16 адам түрлі жарақат алған, оның үшеуі бала. Қазгидрометің хабарлауынша, кеше өңірде желдің екпіні секундына 28 метрге дейін жеткен. Ақсу қаласының ауылдық аймағы мен Баянауыл ауданында электр желілері үзілген. Өңірде барлық жедел әрекет ету қызметтері күшейтілген тәртіпке көшті. Қазір дауылдан кейінгі қалпына келтіру жұмыстары жүргізліп жатыр.