Air Astana Таяу Шығысқа ұшатын әуе рейстерін тоқтатты

Таяу Шығыстағы қақтығыстың шиеленуіне байланысты Air Astana компаниялар тобы 23 маусымда бірқатар рейсті тоқтату туралы шешім қабылдады, деп хабарлайды El.kz интернет порталы.

Компания мына бағыттарға рейстерді тоқтатқан:

КС191/192/Атырау-Дубай-Атырау;

КС205/206/Астана-Дубай-Астана;

КС897/898/Алматы-Дубай-Алматы;

КС655/656/Астана-Доха-Астана.

Орындалмаған рейстердің жолаушыларына ақысыз қайта брондау немесе билетінің құнын толық қайтару ұсынылады.

Air Astana әуе компаниясы жағдайды мұқият қадағалайды және одан әрі рейстерді тоқтатқан жағдайда қосымша хабарлайды, — делінген мәліметте.