Атырау облысында ұшқышсыз аппарат сынықтары табылды

Ресей Федерациясымен шекаралас аумақта орналасқан Құрманғазы ауданының Қоныртерек ауылына белгісіз нысан құлаған.

Оқиға жазық далада болған, деп жазады inbusiness.kz сайты "Ақжайық" басылымына сілтеме жасап.

Тұрғындардың айтуынша, құлаған нысанда моторлар болған және жерге түскеннен кейін қара күйелеш із қалдырған. Алдымен қою түтінді байқаған жергілікті тұрғындар жақындап барған кезде техникалық құрылғыға ұқсайтын нысанның сынықтарын тапқан. Құлаған жердің топырағы өрттен қатты күйіп кеткен және құрылымның металл сынықтары жатқан.

Айта кетейік, өткен аптада Қазақстан аумағынан дрон қалдықтары табылған болатын. 19 маусым күні Қарақия ауданында шекара маңындағы Болашақ теміржол станциясының жанынан белгісіз ұшатын аппарат құлады.