Мәжіліс күзде жасанды интеллект бойынша парламенттік тыңдау өткізеді

Ерлан Қошанов тиісті бастаманы қолдады .

Мәжіліс күзде жасанды интеллектті дамыту мәселесі бойынша парламенттік тыңдау өткізеді, деп хабарлайды inbusiness.kz сайты.

Сәрсенбі өткен Мәжілістің жалпы отырысында депутат Екатерина Смышляева жасанды интеллект мәселесін көтеріп, Үкіметке депутаттық сауал жолдады. Мәжіліс спикері осы мәселеге қатысты пікір білдірді.

– Бұл шынымен де маңызды тақырып. Мемлекет басшысы жасанды интеллектті дамытуға қатысты жұмыстарды жеке өзі бақылап отырады. Парламент те өз үлесін қосты, жасанды интеллект туралы заң жобасы бірінші оқылымда қабылданды. Күзде бұл бағыттағы жұмысымызды жалғастырамыз. Парламенттік тыңдау өткізу туралы ұсынысты қолдаймын. Оны қыркүйектің екінші жартысында ұйымдастыруға болады деп ойлаймын", – деді Ерлан Қошанов.