Әуежайда кепілдегі қызды құтқарған кісі әнші Бағлан Әбдірайымовтың ағасы болып шықты

Алматы әуежайында қаскөйдің қолынан пышақты жұлып алып, қызметкерді құтқарған батыл азаматтың есімі белгілі болды, деп жазады inbusiness.kz сайты.

Бағлан Әбдірайымов бұл жаңалықты Instagram желісінде бөлісіп, ағасының ерлігіне мақтаныш білдірді.

– Ағам Мұса Сайрамбайұлы 1973 жылы Түлкібас ауданы Күмісбастау ауылында дүниеге келген. Ол 9 баланың кенжесі. Кәсіби спортпен айналысқан, бүгінде 5 баланың әкесі. Ерлік жасап, елдің назарында жүргенімен, намысты жігіттің бәрі осындай қадамға барар еді деп ойлаймын. Дер кезінде дұрыс шешім қабылдады. Қазір ағамды мемлекеттік марапатқа да ұсыныпты, – деп жазды әнші.