Теннисші Жібек Құламбаева Сербиядағы турнирде чемпион атанды

Қазақстандық теннисші, әлемнің 306-ракеткасы W15 Куршумлия-Баня турнирінің чемпионы атанды, деп хабарлайды El.kz интернет порталы.

Сербияның Куршумлия-Баня қаласында өткен жарыстың финалында отандық спортшы жергілікті теннисші Драгиния Вуковичті 6:4, 7:6 (7:4) есебімен ұтты. Финалдық матч 2 сағатқа созылды.

Осылайша Жібек Құламбаева 2025 жылғы үшінші титулына қол жеткізді. Бұған дейін 25 жастағы теннисші жұптық сында екі турнирде топ жарған.