Заң күшіне енді: рақымшылыққа іліккен бірінші адам туралы не белгілі?

Қостанай облысында рақымшылық бойынша алғашқы адам бостандыққа шықты , — деп хабарлайды Massaget.kz тілшісі.

Ер адам ұрлық жасағаны үшін жазасын өтеп жатқан, бұрын сотталмаған. Үйде оны жұбайы мен үш баласы күтіп отыр.

Қазір Қостанай облысы бойынша ҚАЖД ведомстволық мекемелерінде 2000-ға жуық адам жазасын өтеп жатыр. Рақымшылық жасау туралы заңға сәйкес 300 сотталушы босатылмақ. Бүгін олардың біріншісі бостандыққа шықты.

Айта кетейік, бұған дейін Мәжіліс жаңа заң жобалары бойынша жұмысты бастағаны хабарланды. Оның ішінде Конституцияның отыз жылдығына байланысты рақымшылық жасау туралы заң жобасы да бар еді.

Еске салайық, биыл 23 маусымда Президент рақымшылық туралы заңға қол қойғанын жариялады.

Instagram парақшамызға жазылып, ең қызықты ақпараттарды бірінші болып оқыңыз!