Ірі қара мен ұсақ мал сатып алғысы келетіндерге жеңілдетілген несие беріледі

Қаржыландыруға деген қажеттілік – 50 млрд теңге.

Мал шаруашылығының ет бағыты бойынша асыл тұқымды ірі қара мал және ұсақ қара мал сатып алуға жеңілдетілген несиелеу бағдарламасы іске қосылады. Бұл туралы Ауыл шаруашылығы министрі Айдарбек Сапаров айтты, деп хабарлайды inbusiness.kz сайты.

"Мал шаруашылығының ет бағыты бойынша асыл тұқымды ірі қара мал және ұсақ қара мал сатып алуға жеңілдетілген несиелеу бағдарламасы іске қосылады. Жылдық мөлшерлемесі 5%-дан аспайтын "ұзақ мерзімді" несиелер ұсынылады. Қаржыландыруға деген қажеттілік – 50 млрд теңге. Сол көлемде – 50 млрд теңге – айналым қаражатын қаржыландыру бағдарламасы да іске қосылады", – деді министр Үкімет отырысында.

Оның айтуынша, жылдық мөлшерлеме 5%-дан аспайды.

"Сүт өнімдері бойынша импортқа тәуелділікті азайту мақсатында Министрлік қазіргі заманғы сүт фермаларын салуды 2,5% жылдық мөлшерлемемен СҚО тәжірибесін масштабтау бағдарламасы аясында қаржыландыруда (сауу залдары, "елочка", "карусель", "параллель" және роботтандырылған жүйелер)", – деді Айдарбек Сапаров.