Құлсарыда автобус пен мопед соқтығысып, 12 жастағы бала көз жұмды

Жасөспірім ауруханада көз жұмды.

7 шілде күні Құлсарыда кешкісін жол-көлік оқиғасы болып, 12 жасар жасөспірім қаза болды, деп хабарлайды облыстық ПД.

Алдын ала мәліметтер бойынша, ПАЗ "Вектор Некст" маркалы жолаушылар автобусы бұрылып жатқан сәтте, жоғары жылдамдықпен келе жатқан мопед оның бүйірінен соққан.

"Қатты соққы салдарынан бала ауыр жарақат алып, дереу аудандық ауруханаға жеткізілді. Алайда дәрігерлердің көмегіне қарамастан, баланы аман алып қалу мүмкін болмады. Оқиғаның мән-жайын анықтау мақсатында құқық қорғау органдары тергеу жұмысын бастады. Қажет сараптамалар тағайындалған", – делінген хабарламада.

Тергеуде басты назар аударылып отырған мәселелердің бірі – 12 жастағы баланың мопедті қалай тізгіндегені және оған рұқсаттың қалай берілгені.

Оқи отырыңыз: Алматыда 29 жастағы қыз жетінші қабаттың балконынан құлап, қаза болды