Сингапурде су спорты түрлерінен әлем чемпионаты өтуде

Қазақстандық спортшылар жарыс жолына 27-шілде күні шығады.

2025 жылдың басты спорттық шараларының бірі – World Aquatics Championships – Singapore 2025 Сингапурда жалауын көтерді. Бұл су спорты түрлерінен өтетін ең ірі халықаралық дода, әрі Сингапур тарихында алғаш рет әлем чемпионатын қабылдап отыр.

Жарысқа 100-ден астам елден 2500-ге жуық спортшы қатысады.

Қазақстан құрамасы жарысқа үздік спортшыларын аттандырды. Соңғы екі жылда Азия мен әлем ареналарында жарқын жетістіктерге жеткен отандастарымыз бұл жолы да жеңіс тұғырынан көрінеді деген үміт зор.

Әлем чемпионатында ел намысын қорғайтын қазақстандық спортшылар:

Әділбек Мусин – 50 м, баттерфляй;

Ксения Игнатова – 100 м, шалқалай жүзу;

Аделаида Пчелинцева – 50 м, брасс;

Софья Сподаренко – 50 м, баттерфляй;

Арсен Қожахметов – 50 м, брасс;

Глеб Коваленя – 50 м, шалқалай жүзу.