"Қайрат" финляндиялық командамен кездеседі

Алматылық "Қайраттың" 2025/26 жылғы маусымдағы Чемпиондар лигасының екінші іріктеу кезеңіндегі қарсыласы белгілі болды.

Алматылық команданың келесі қарсыласы Финляндияның КуПС клубы. Фин командасы екі ойын қорытындысы бойынша Молдованың "Милсами" клубын 1:0 есебімен жеңді. Алғашқы матчта КуПС өз алаңында жеңіске жетсе, қарымта кездесу голсыз тең аяқталды.

"Қайрат" КуПС-пен 22 және 29 шілде күндері ойнайды.

Естеріңізге сала кетейік, алматылықтар Чемпиондар лигасындағы жолын словениялық "Олимпияны" сенсациялық түрде жарыстан шығарып (қос матчтың есебі — 3:1), сәтті бастаған еді.

Жаңа еурокубок маусымында Қазақстан намысын сондай-ақ келесі командалар қорғайды:

"Ақтөбе" (Еуропа лигасы),

"Ордабасы" (Конференциялар лигасы),

"Астана" (Конференциялар лигасы)