"Тағы бір қалаға шабуыл жасапты...": Трамптың Ресейге қатысты ойын өзгерткен адам табылды

Ол – АҚШ президентінің келіншегі Мелания Трамп.

Соңғы аптада батыс және америкалық БАҚ-тарда тақырыпқа тікелей қатысты түрлі инсайд дерек тарады, деп хабарлайды inbusiness.kz сайты.

Яғни, The Australian, Sky News және бірнеше американдық медиа Трамптың Украинаға қолдау көрсетуге белсене кірісуіне Мелания Трамптың жеке ықпалы болғанын жазды.

Кейбір ақпараттарда Мелания Трамптың "Тағы бір қалаға шабуыл жасапты..." деп күйзелгені, сол үшін Дональд Трампқа Украинаға қатысты тезірек шешім қабылдауға кеңес бергені айтылады.

Басылымдар бұл мәліметтерді әдетте Ақ үйдегі аноним шенеуніктердің сөзіне сілтеп береді.

– Мелания тағы бір қаланы соққыға алғанын айтты... Сол сәтте Трамп үнсіз қалуды тоқтатып, Ресейге 50 күн ішінде бітім болмаса, толық тарифтермен қорқытуға көшті, – деп жазған The Australian газеті.

Трамптың командасы бұл мәліметті ресми түрде растамады.

Десе де, бірқатар беделді басылым бұған дейін де Меланияның реакциясы мен жеке ықпалы Трампқа әрдайым әсер ететінін ашық жазуда.

Еске салайық, осыған дейін Трамптың Путинді тығырыққа тіреп қойғанын жазсақ, артынша Зеленскийдің Трамппен сөйлескен соң қуанышты жаңалық барын жасырмағанын хабарладық.