Карина Магрупова әлем чемпионатының финалына шықты

16-20 шілде аралығында су спорты түрлері бойынша Сингапурде өтіп жатқан әлем чемпионатына 60 елден 202 спортшы сынға түсуде.

Сингапурда өтіп жатқан су спорты түрлерінен әлем чемпионатында Қазақстан құрамасының намысын қорғаған Карина Магрупова алғашқы кезеңнен сүрінбей өтті.

Әртістік жүзуден техникалық соло бағдарламасында сынға түскен спортшымыз 232.2050 ұпай жинап, үздік он екілікке еніп, финалға жолдама алды.

Айта кетейік, бұл сында әлемнің 35 елінен келген спортшылар бақ сынап, тек үздік 12 ғана келесі кезеңге өтті.

Финалдық сайыс 19 шілдеде өтеді. Қазақстандық жанкүйерлер Каринаға зор үміт артып отыр.