Астанада бір көше қайта жөнделмек: көлік қозғалысы толық шектеледі

Астанада Сығанақ көшесі бірнеше күнге қайтадан жабылады, — деп хабарлайды Massaget.kz тілшісі.

Астана қаласының Көлік және жол-көлік инфрақұрылымын дамыту басқармасының мәліметінше, бұл көшеде жол жамылғысына жөндеу жұмыстары жалғасып жатыр.

Сығанақ көшесі мына учаскелерде жөнделеді:

• Қабанбай батыр даңғылынан Қазақ радиосына дейін;
• Қазақ радиосынан Сауран көшесіне дейін.

" Биыл20–25 шілде аралығында бұл учаскеде көлік қозғалысы толықтай шектеледі. Қала тұрғындары мен қонақтарынан жол кептелісін болдырмау үшін маршруттарын алдын ала жоспарлауды сұраймыз", – делінген басқарма хабарламасында.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!