Аргентинада су тасқынынан қаза тапқандар саны артты

Аргентинаның Баия-Бланка портты қаласында бірнеше сағат ішінде 260 милиметр

жауын-шашын түсіп, соңы алапат тасқынға ұласты. Табиғи апат салдарынан опат болғандар саны 16 адамға жетті. Тағы екеуі із-түзсіз жоғалып кеткен. Жергілікті билік шаһарда 72 сағаттық аза тұту жариялады. Үлкен су жолдар, көпірлер мен үйлерді қиратқан. Іздеу-құтқару жұмыстарына авиация мен сарбаздар да тартылды. Жалпы тасқын 350 мың тұрғынға зардап әкелген. Үкімет шығын көлемі 400 миллион доллар дейді. Бірақ әзірге көмекке 9 миллион доллар ғана бөлінген.