Астанада алғаш рет жүзуден Әлем кубогының кезеңі өтеді

11 шілде-3 тамыз аралығында Сингапурде су спорты түрлерінен 22-әлем чемпионаты өтуде .

Бүгін Қазақстан Ұлттық Олимпиадалық комитетінің президенті Геннадий Головкин Сингапурде өткен World Aquatics конгресіне осы ұйымның президенті әрі Азия Олимпиадалық кеңесінің бас директоры Хуссейн Әл-Мусалламның арнайы шақыруымен қатысты.

Конгресс аясында Silk Road–2026 жүзуден Әлем кубогының кезеңдері қайда өтетіні белгілі болды:

І кезең – Баку, Әзербайжан

ІІ кезең – Ташкент, Өзбекстан

ІІІ, шешуші кезең – Астана, Қазақстан

Ел тарихында Астана алғаш рет мұндай ірі халықаралық турнирге иелік етеді. Жарысқа Олимпиада чемпиондары мен әлем рекордшылары қатысады.

Кезеңдердің нақты қай уақытта өтетіні кейінірек жарияланады.