“Қыз алып қашу - дәстүр емес, қылмыс“. Прокуратура азаматтарға үндеу жасады

Бас прокуратура қазақстандықтарға қыз алып қашқаны үшін қылмыстық жауапкершілік барын еске салды, — деп хабарлайды Massaget.kz тілшісі.

Не өзгерді?

16 шілдеде Президент "Қылмыстық заңнаманы оңтайландыру-жетілдіру бойынша кейбір заңнамалық актілерге өзгерістер мен толықтырулар енгізу туралы" заңға қол қойды. Заң 60 күн өткен соң қолданысқа енгізіледі.

Ал заң күшіне енгеннен кейін неке қиюға мәжбүрлегені үшін Қылмыстық кодекске жаңа 125-1-бап енгізіледі. Бұл бапта 10 жылға дейін бас бостандығынан айыру жазасы көзделген.

"Неке тек келісіммен құрылуға тиіс"

"Неке екі адамның еркін және саналы келісімімен құрылуға тиіс. Азаматтарға келісімсіз қыз алып қашу дәстүр емес, қылмыс екенін ескертеміз", — деп жазылған хабарламада.

Instagram парақшамызға жазылып, ең қызықты ақпараттарды бірінші болып оқыңыз!