Жаңбыр, дауыл, бұршақ: 20 тамызда бірқатар өңірде ауа райы құбылмалы болады

Синоптиктер болжамы жарияланды .

"Қазгидромет" РМК синоптиктері 20 тамызда елдің көптеген өңірінде найзағай, жаңбыр, бұршақ және тұман болатынын жариялады.

Синоптиктердің мәліметінше, Астана, Алматы, Шымкент қалаларында жаңбыр, найзағай, екпінді жел болады.

Ақмола, Солтүстік Қазақстан, Қостанай, Ақтөбе, Атырау, Батыс Қазақстан өңірлерінде бұршақ жаууы ықтимал. Кей жерлерде тұман түсіп, желдің екпіні секундына 20-25 метрге дейін жетуі мүмкін.

Қарағанды, Ұлытау, Павлодар, Шығыс Қазақстан облыстарында тұман күтіледі.

Жетісу облысында Алакөл маңында жел күшейеді.

Оқи отырыңыз: Қазақстанда тұтынушыларға 1,5 миллиард теңгеден астам қаражат қайтарылады

Жамбыл және Түркістан облыстарында желмен бірге аптап ыстық сақталады.

Қызылордада шаңды дауыл тұрып, көлік қозғалысына қиындық келтіруі мүмкін.

Алматы, Жетісу, Жамбыл, Түркістан, Қызылорда, Маңғыстау, сондай-ақ Батыс Қазақстанның кей бөлігінде өрт қаупі өте жоғары болып қала береді.