Сот Руслан Берденовке қастандық жасаған Ернар Жиембайды 9 жылға соттады

Сотталушы кінәлі деп танылды.

Шымкентте қала әкімінің орынбасары Руслан Берденовке қастандық жасау ісі бойынша сот үкімі шықты.

Сот әкімнің орынбасарын атқан Ернар Жиембайды кінәлі деп тапты. Ол тоғыз жылға бас бостандығынан айырылды.

Сот үкімі әзірге заңды күшіне енген жоқ, яғни, Ернар Жиембайдың адвокаттары үкіммен келіспеген жағдайда шағымдана алады.

Айта кетейік, прокурор Руслан Берденовті атқан Ернар Жиембайды 11 жылға соттауды сұраған еді.

Еске салайық, оқиға 21 сәуірде Шымкент әкімдігі ғимаратының жанында болды. Шымкент әкімінің орынбасары Руслан Берденовке оқ атқандар ұсталып, уақытша ұстау изоляторына қамалды. Аталған факті бойынша қылмыстық іс қозғалды.

Оқи отырыңыз: "Ернар Жиембайды үш рет қана көрдім". Руслан Берденов сотта онлайн жауап берді