Астанада 7 жасар бала көлік айдап, жол апатына ұшырады

Оқиға орнынан фото мен бейнематериалдар әлеуметтік желіде жарияланды.

Астанада ересектердің қарауынсыз қалған 7 жасар бала ата-анасының көлігінің кілтін алып, машинаны от алдырып, аулада тұрған бірнеше автокөлікке соғылды, деп жазады inbusiness.kz сайты.

Полиция баланың және оның ата-анасының жеке басын анықтағанын хабарлады.

"Бұл оқиға бойынша ата-аналар бала тәрбиелеу міндетін тиісінше орындамағаны үшін жауапкершілікке тартылды. Полиция ата-аналарға балалардың қауіпсіздігіне көңіл бөлу, көлік кілттері мен өзге де қауіпті заттарды қараусыз қалдырмау қажеттігін ескертеді," – делінген Астана қалалық полиция департаменті таратқан хабарламада.