Алматы тауларында 18 жастағы турист құтқарылды

18 жастағы жігіт Алматы ТЖД құтқару қызметіне хабарласып, өзіне көмек сұраған.

Ол күндіз достарымен бірге тауға шығып, бірақ топтан қалып, адасып қалған, деп жазады inbusiness.kz сайты.

"БАУ" бақылау-құтқару пунктінің экипажы қызметтік машинамен Проходное шатқалының тұрағына келіп,3 сағаттай жаяу жүріп өтініш қалдырған жігітті іздеген.

Нәтижесінде адасқан жігіт Терра алаңы маңында табылып, құтқарушылар тау жетегіне дейін сүйемелдеді. Тәжірибесі аз турист түн ішінде қатты тоңған. Бойынан тау ауруы мен бағдарсыздық белгілері білінген. Жас жігіт медициналық көмекке жүгінбеген.

– Тауға шықпас бұрын өз тәжірибеңіз бен физикалық мүмкіндіктеріңізді ескере отырып маршрутты жоспарлау қажеттігін еске салады, – деп хабарлайды Төтенше жағдайлар министрлігі.