Анна Данилина Cleveland Championships турнирінің чемпионы атанды

Анна Данилина жұптық сында әлемнің 10-ракеткасы атағын сақтап қалды.

WTA 250 финалында қазақстандық Анна Данилина сербиялық Александра Круничпен жұптасып, тайвань-қытайлық дуэт Хао Чань / Синью Яньды 7:6, 6:4 есебімен жеңді.

Бірінші партияда тай-брейкте қазақстандық-сербиялық жұп басымдылық танытты — 7:6 (7:3). Екінші сетті Анна мен Александра брейкпен түйіндеді - 6:4.

Кливлендтегі жеңіс үшін қазақстандық- сербиялық жұп 250 рейтингтік ұпай және 11 480 доллар сыйақы алды.

Бұл маусымда Данилина мен Крунич Франциядағы ”Ролан Гаррос” турнирінің финалында ойнады. Ал келесі аптада олар US Open турниріне қатысады.