Астанада көпқабатты үйдің 9-қабатындағы балкон өртенді

Өрт жедел сөндіріліп, басқа орын-жайларға таралмай жатып ауыздықталды .

Сарыарқа ауданындағы Ш.Қосшығұлұлы көшесінде орналасқан көпқабатты тұрғын үйдің 9-қабатындағы пәтер балконы өртенді, деп жазады inbusiness.kz сайты.

Төтенше жағдайлар қызметінің құтқарушылары оқиға орнына келіп, автосаты арқылы өртті дереу ауыздықтады.

Министрлік тұрғындарға балкондарды киім-кешек, ескі жиһаз, қағаз және басқа да заттармен толтырмауды ескертті.