Астанада бизнес орталықта өрт шықты

Төтенше жағдайлар министрлігінің мәліметінше, зардап шеккендер жоқ.

Астанада бизнес орталықта өрт шықты, деп хабарлайды inbusiness.kz сайты.

Нұра ауданы Нарықбаев көшесіндегі 10 қабатты бизнес орталықтың 7-10-қабаттарының аралығындағы сыртқы қаптама жанған.

– Жедел жеткен құтқарушылар өрт ғимараттың ішіне таралуына жол бермей, өртті тез арада сөндірді. Өрт сөндіру бөлімшелері келгенге дейін адамдар бизнес орталықтан өз бетінше далаға шыққан, – деп жазылған ТЖМ таратқан хабарламада.

Өрттің шығу себебі анықталып жатыр.