Конго Президенті Қазақстанға мемлекеттік сапармен келеді

Сапар Қазақстан Президенті Қасым-Жомарт Тоқаевтың шақыруымен ұйымдастырылды .

9-10 қыркүйек күндері Қазақстанға Конго Демократиялық Республикасының Президенті Феликс Чисекеди мемлекеттік сапармен келеді, деп жазады inbusiness.kz сайты.

Аталған сапар барысында екі елдің басшылары жоғары деңгейдегі келіссөздер өткізеді.

Кездесулердің басты тақырыбы – екіжақты ынтымақтастықты нығайту және экономикалық, мәдени-гуманитарлық, сондай-ақ басқа да салалардағы перспективаларды талқылау болады.