ФИФА Өзбекстанда кеңсесін ашады

Алдағы уақытта Өзбекстан футболы жоғары қарқынмен дамуды көздеп отыр.

Өзбекстан президенті Шавкат Мирзиёев пен ФИФА басшысы Джанни Инфантино Орталық Азиядағы алғашқы аймақтық кеңсені Өзбекстан астанасы Ташкентте ашуға уағдаласты. Енді халықаралық аренада Орта Азия футболына жаңа мүмкіндік ашылды. Осылайш ФИФА Өзбекстанды Орталық Азиядағы озық ел ретінде танып, ауқымды шараларды бірлесе атқаруды көздеп отыр.

Кездесу барысында сондай-ақ бапкерлерді, төрешілерді, менеджерлерді және мамандарды даярлау бойынша ынтымақтастықты дамыту, жастар арасында футболды насихаттау, сондай-ақ Өзбекстанда ФИФА-ның ірі турнирлері мен іс-шараларын өткізу мәселелері талқыланды.

Өзбек футболын дамытуға қосқан жеке үлесін мойындау белгісі ретінде Өзбекстан президенті Джанни Инфантиноны "Достық" орденімен марапаттады.