Алматыда белгісіз біреу ер адамды ақша айырбастайтын орын маңында тонап кеткен

Алматыда ақша айырбастайтын орын маңында қылмыс жасалған, — деп хабарлайды Massaget.kz тілшісі .

Мән-жайы

Оқиға Төле би даңғылы бойында орналасқан ақша айырбастау пункті маңында болған. Белгісіз ер адам қала тұрғынынан 13 миллион теңге көлеміндегі ақшаны ашық түрде тартып алған.

Полиция не дейді?

Жедел іздестіру іс-шаралары барысында Алмалы аудандық полиция басқармасының қызметкерлері күдіктіні ұстады. Ол — Алматы қаласының 39 жастағы тұрғыны.

"Оның тұрғылықты мекенжайын тінту кезінде қылмыс жасалған сәтте видеоға түскен киімдер, ақша және басқа да заттай айғақтар тәркіленді. Күдікті уақытша ұстау изоляторына қамалды. Соталды тергеу жүргізіліп жатыр", – деді Алмалы аудандық полиция басқармасының бастығы Мақсат Пшан.

Посмотреть эту публикацию в Instagram

Публикация от Алматы қаласының ПД (@almaty_police_department)

Өзекті жаңалықтарды өз уақытында оқу үшін Facebook парақшамызға жазылыңыз!