Албанияда жасанды интеллект мемлекеттік министр болды

Diella деп аталатын жүйе мемлекеттік сатып алуларды қадағалайды.

Албанияда тұңғыш рет жасанды интеллект министрі қызметке кірісті.Оның атауы албан тілінде "күн" дегенді білдіреді. Бұл туралы елдің премьер-министрі Эди Рама мәлімдеді, деп жазады inbusiness.kz сайты.

Премьердің айтуынша, алдағы уақытта мемлекеттік тендерлер бойынша шешімдер кезең-кезеңімен министрліктерден Diella-ның қарамағына өтеді.

"Осылайша, Албанияда мемлекеттік тендерлер толығымен ашық, әділ әрі сыбайлас жемқорлықсыз жүзеге асады. Бұл – ғылыми қиял емес, нақты шындық", – деді Рама.

ЖИ Diella елде бұрыннан белгілі: ол ұлттық электронды мемлекеттік қызметтер платформасы – e-Albania-ны басқарып отыр. Жасанды интеллекттің аватары дәстүрлі албан киіміндегі қыз бейнесінде жасалған.