Павлодар облысында екі адам көлікпен өзенге құлап, көз жұмды

Құтқарушылар олардың мүрделерін судан алып шықты.

Жазатайым оқиғаға тап болғандар балық аулауға шыққан, деп хабарлайды inbusiness.kz сайты.

17 қыркүйек күні сағат 00:30-да 112 пультіне Ақсу қаласы маңында орналасқан Белая өзеніне ішінде екі адамы бар "Нива" көлігі абайсызда түсіп кеткені туралы хабарланған.

"Іздестіру-құтқару жұмыстарын жүргізу үшін Павлодар қаласынан төтенше жағдайлар департаменті жедел-құтқару жасағының күштері жіберілді. Сағат 07:45-те құтқарушылар 1960 және 1977 жылдары туған қос ер адамның денелерін судан алып шықты", – деп хабарлады төтенше жағдайлар департаментінің баспасөз қызметінен.