Атырауда 60 келіге жуық бекіре тәркіленді

Күдіктілердің үйлерін тексеру кезінде 9 дана бекіре балығы (56,8 келі) және 500 грамм уылдырық табылды.

Атырау облысы полиция департаментінің Экстремизмге қарсы іс-қимыл басқармасы "Учаске" және "Бекіре-2025" жедел-профилактикалық шаралары барысында бекіре балығы мен уылдырығын заңсыз сатумен айналысқан 2 күдіктіні ұстады, деп жазады inbusiness.kz сайты.

Сондай-ақ олардың автокөлігінен 1,6 келі бекіре балығы мен 500 грамм уылдырық тәркіленді.

Бұл оқиға бойынша Қылмыстық кодекстің 339-бабының 2-бөлігі бойынша іс қозғалып, тергеу жұмыстары жүргізілуде.