​Қазақстан Сыртқы істер министрі Қатар СІМ басшысына көңіл айту жеделхатын жолдады

Бұл туралы Сыртқы істер министрлігінің баспасөз қызметі хабарлады.

Сыртқы істер министрі Ермек Көшербаев Қатар СІМ басшысына көңіл айту жеделхатын жолдады, деп хабарлайды inbusiness.kz сайты.

"Қазақстан Республикасының Сыртқы істер министрі Шарм-эш-Шейх қаласының маңындағы жол апаты салдарынан Қатар Әмірі Кеңсесінің қызметкерлері қаза болғанына байланысты Қатар Мемлекетінің Премьер-министрі – Сыртқы істер министрі шейх Мұхаммед бен Абдулрахман Әл Тәниге көңілхат жолдады. Сондай-ақ Ермек Көшербаев марқұмдардың бейбітшілік пен тұрақтылық жолындағы үлесін атап өтті және Қазақстан Қатармен стратегиялық серіктестікті жоғары бағалайтынын жеткізді", – делінген хабарламада.

Айта кетейік, Газа секторындағы қақтығысты реттеу жөніндегі келіссөздерде Катар делегациясының құрамындағы үш дипломат Шарм-эль-Шейх маңында болған жол-көлік оқиғасында қаза тапты.