Қазақстан әлемдік бәсекеге қабілеттіліктен бірқатар елді басып озды

Қазақстан 2025 жылғы Әлемдік бәсекеге қабілеттілік рейтингісінде өз позициясын жақсартты.

World Competitiveness Ranking рейтингін жыл сайын Швейцариядағы Халықаралық басқару дамыту институты әзірлейді.

Жаңа рейтингке сәйкес, Қазақстан 69 елдің ішінде 34-орынға тұрақтады. Бұл өткен жылмен салыстырғанда тағы бір сатыға жоғарылағанын көрсетеді. 2024 жылы 35-орынға тұрақтаған болатын.

Сонымен Қазақстан қай елдерді басып озды?

Қазақстан рейтингте Жапонияны, Кувейтті және Португалияны басып озды. Бұл еліміздің жаһандық деңгейдегі экономикалық бәсекеге қабілеттілігінің артып келе жатқанын көрсетеді.

Ал рейтинг көшбасында Швейцария тұр. Одан кейінгі орындарды Сингапур, Гонконг, Дания, Біріккен Араб Әмірліктері, Тайвань, Ирландия, Швеция, Қатар және Нидерланд елдері жайғасқан.