Димаш Құдайберген Вьетнамдағы музыкалық фестивальде ән шырқайды

Әлемдік мәдениеттерді бір арнаға тоғыстыратын күн

2025 жылдың 6 желтоқсанында Қазақстанның халық әртісі Димаш Құдайберген Вьетнамдағы 8WONDER Winter 2025: Symphony of Stars мәдени фестивалінде өнер көрсетеді, деп хабарлайды inbusiness.kz сайты.

DimashNews сайтының мәліметінше, 8Wonder Winter 2025 – Symphony of Stars фестивалі музыкалық шаралар сериясының бесінші маусымын бастайды.

Ханой халықаралық көрме орталығында сахнаға шыққан әлемдік және вьетнамдық жұлдыздар музыка арқылы түрлі мәдениеттерді бір арнаға тоғыстырады.

Олардың қатарында:17 "Грэмми" иегері Алиша Киз, Вьетнамның сүйікті баллада орындаушысы Ван Май Хыонг, ғаламат дауысымен әлемге танылған Димаш Құдайберген, "Rich Man" мини-альбомымен ерекшеленген K-pop тобы Aespa, миллиондаған қаралым жинаған рэп орындаушысы HIEUTHUHAI және "Phép Màu" хиты арқылы әйгілі болған жаңа инди-ұжым MAYDAYS бар.

Ал билеттерді 24 қазаннан бастап, VinWonders.com, Ticketbox, Klook.com және Trip.com сайттарынан сатып алуға болады.