Тоқаев Аустрия президентіне құттықтау жолдады

Қасым-Жомарт Тоқаев Александр Ван дер Белленді Аустрия Республикасының Ұлттық күнімен құттықтады, деп хабарлайды Ақордаға сілтеме жасаған KAZ.NUR.KZ.

Ақорда мәліметіне сәйкес, президент құттықтау жеделхатында Астана мен Вена арасындағы саяси диалогтың, сауда-экономикалық және мәдени-гуманитарлық ынтымақтастықтың аясы кеңейіп келе жатқанын атап өткен.

"Сонымен қатар екіжақты серіктестікті нығайту жолында күш-жігер жұмылдыру арқылы ықпалдастық жаңа деңгейге көтерілетініне сенім білдірді", — делінген Ақорданың ресми хабарламасында.

Еске салсақ, бұған дейін Тоқаев Таиланд Короліне көңіл айту жеделхатын жолдағаны туралы жазған едік. Президент Патшайым-Ана Сирикиттің қайтыс болуына байланысты көңіл айтқан.

Сондай-ақ Қасым-Жомарт Тоқаевтың атына ұлттық мереке – Республика күніне орай шет мемлекеттердің басшылары мен халықаралық ұйымдардың жетекшілерінен құттықтау хаттары келіп жатқаны туралы жазған болатынбыз.

Мәтіннен қате тапсаңыз, бізге жазыңыз