«Көліктен түк қалмай, шелпек болып қалды»: Гүлзира Айдарбекова кино түсіруіне не түрткі болғанын айтты

Танымал продюсер Гүлзира Айдарбекова өмірін өзгерткен жол апатын есіне алды, деп хабарлайды Skifnews.kz ақпарат порталы.

Өнер иесі не себепті ұлы Қайрат Нұртастың көзілдірік тағатынын айтты.

“Қытайға ұшамыз деп асығып келе жатып, жол апатына ұшырадық. Көліктен түк қалмай, шелпек болып қалды. Бірақ құдай сақтап қалды. Қайрат терезеден ұшып кетті. Әйнектер сынып, денесі мен көзіне қадалып қалды. Содан тыртық пайда болды. Көзілдірікті сол үшін тағып шығатын”, – деп жазды продюсер.

Гүлзира Үсенқызынң сөзінше, сол жол апатын фильмге арқау еткен.

“Өкініш” фильміне жол апатын кірістірдім. Қалай көліктен аударылғанын және өзімнің сол кезде қандай күйде болғанын көрсеттім. Телефон соққаным да еш өзгеріссіз фильмге енді”, – деп жазды Қайрат Нұртастың анасы.