Боливия жиын-терімге кіріспеді

Боливия жиын-терімге толыққанды кірісе алмай отыр.

Оған себеп — жанар-жағармай тапшылығы. Күллі ауыл шаруашылығы саласы тығырыққа тірелді. Қант қызылшасы егілген аймақтарда жиын-терім техникалары қозғалыссыз тұр. Осы себепті шаруалар дизельді қара нарықтан қымбатқа сатып алуға мәжбүр. Қант қызылшасы ғана емес, күріш өндірісіне де қауіп төніп тұр. Шаруалардың айтуынша, 15 қарашаға дейін күріш егілмесе, келер жылы өнім тапшылығы туындауы мүмкін.