Астанада ішіп алып көлік жүргізген судья ұсталды

Астана қаласында азаматтық істер жөніндегі ауданаралық соттың судьясы Әсел Досаева мас күйінде көлік жүргізгені үшін ұсталды. Бұл туралы Skifnews.kz ақпарат порталы КазТАГбасылымына сілтеме жасап хабарлайды.

"Рейдтік іс-шара барысында патрульдік полиция қызметкерлері Mazda маркалы көлікті тоқтатқан. Сараптама нәтижесі бойынша жүргізушінің мас күйде болғаны анықталды. Көлік коммуналдық тұраққа қойылды, тексеріс жүргізіліп жатыр. Астана қалалық полиция департаменті көлік құралын мас күйде басқару заңды өрескел бұзу әрі айналадағы адамдардың өміріне қауіп төндіретін әрекет екенін ескертеді. Мұндай фактілер заң аясында қатаң түрде тоқтатылады", – делінген хабарламада.