Семейде өзін мүгедек етіп көрсетіп, қайыр сұраған ер адам ұсталды

Сот шешімімен ол бес тәулікке қамауға алынды .

Семейде 39 жастағы жергілікті тұрғын өзін инсульт алған адам ретінде көрсетіп, қайыр сұраумен айналысқан. Бұл туралы Абай облысы полиция департаменті хабарлады.

"Ол Засядко көшесіндегі сауда үйінің маңында отырып, өтіп бара жатқан азаматтардың аяушылығын тудырып, ақша алып жүрген. Қоғам белсенділерінің бірі ер адамға көмектескен, бірақ кейін оның ешқандай мүгедектігі жоқ екенін білген" – делінген хабарламада.

Оқи отырыңыз: Семейде жекеменшік клиниканың сексеннен астам қызметкері жұмыссыз қалмақ

Тәртіп сақшылары оны әкімшілік жауапкершілікке тартты. Сот шешімімен ол бес тәулікке қамауға алынды.

Қазіргі таңда ер адам жазасын өтеп шыққан.