Қазақстанда венчурлық инвестиция көлемі артты

Қазақстанда ұзын саны 18 венчурлық қор тіркелген. Traxcn.com платформасының мәліметінше, олар 1400-ден астам компанияға инвестиция құйған екен.

Қолдау қаржының көлемі 61,5 млрд доллардан асады. Оның ішінде АҚШ, Нидерланды, Сингапур венчурларынан бөлек, отандық компаниялардың үлесі салмақты. Барлығы да болашағынан зор үміт күттіретін стартаптарға қолдау көрсетеді. Айта кету керек, инновациялық кластер экожүйесінде стартап құруға көмектесетін венчур-билдердің де қызметі маңызды. Мәселен, сондай компанияның бірі — Pul.vc. Құрылтайшысы Бағлан Олжабаевтың айтуынша, бүгінде венчур-билдер қолдау көрсеткен үш бірдей стартап жемісін берді. Әрқайсысының капиталы 2 млн АҚШ долларына жуықтаған. Бүгінде елде венчурлық инвестиция саласы қарқынды дамып келеді. Бұл ретте мемлекеттік қолдаудың үлесі зор.

Бағлан Олжабаев — Pul.vc Венчур-билдер компаниясының құрылтайшысы:

- Біз де осы көмектің бірін көрдік. Ол QazInnovation арқылы грант алған кездеріміз де болды және жақсы дамып жатыр. Сонымен қатар сол грант алған стартаптар жақсы деңгей көрсетіп жатыр. Келесі раундқа өтекендерін білем. Инвестиция тартқандары да бар арасында. Бұл бізге жақсы импульс мотивация береді.