Кирилл Герасименко Олимпиадада кеткен есесін қайтарып, Ислам ойындарында жеңімпаз атанды

Үстел теннисінен Қазақстан құрамасының көшбасшысы Кирилл Герасименко Эр-Риядта (Сауд Арабиясы) өтіп жатқан Ислам ынтымақтастығы ойындарының жеңімпазы атанды.

Ерлер арасында өткен жекелей сайыстың финалында Кирилл Герасименко мысырлық Омар Ассармен кездесті, деп жазады inbusiness.kz сайты.

Кирилл Герасименко шешуші ойында 4:1 есебімен жеңіске жетіп, Омар Ассардан кеткен есесін қайтарды.

Еске салайық, Кирилл Герасименко мен Омар Ассар 2024 жылғы Париж Олимпиадасының 1/8 финалында да жолыққан еді. Ол кезде мысырлық спортшы жеңіске жеткен болатын.