Қызылордада көлік тізгінін кішкентай ұлына берген әйел айыппұл арқалады

Әйел әкімшілік жауапқа тартылды.

Қызылордада кәмелетке толмаған баласына рөлді берген анаға 55 мың теңге көлемінде айыппұл салынды, деп хабарлайды inbusiness.kz сайты

Қызылорда облысының кәмелетке толмағандардың істері жөніндегі мамандандырылған ауданаралық сотында Әкімшілік құқық бұзушылық туралы кодекстің 127-бабының 3-бөлігімен азаматша К.-ге қатысты іс қаралды.

"Әкімшілік құқық бұзушылық туралы хаттамаға сәйкес, азаматша К.-ның кәмелетке толмаған ұлы Қызылорда қаласында көлік құралын басқаруға құқығы жоқ күйінде автокөлік басқарған. Осылайша, азаматша К. ата-ананың міндеті кәмелеттік жасқа толмаған ұлын тәрбиелеу жөніндегі міндеттерді орындамай, ұлының әкімшілік құқық бұзушылық белгілері бар іс-әрекетке жасауына жол берген", – делінген сот таратқан ақпаратта.

Сот қаулысымен азаматша К. Әкімшілік құқық бұзушылық туралы кодекстің 127-бабының 3-бөлігімен кінәлі деп танылып, оған 55 048 теңге көлемінде айыппұл салынды.