ТЖМ: Алматыда қатты жер сілкінісі күтілмейді

Төтенше жағдайлар министрлігі өкілі Алматыда қатты жер сілкінісі күтілмейтінін мәлімдеді. Министрліктегілер сейсмикалық жағдайға талдау жүргізді, деп хабарлайды KAZ.NUR.KZ ведомствоның баспасөз қызметіне сілтеме жасап.

"Сейсмикалық жағдайды талдай келе 2025 жылғы 4 желтоқсанда сағат 15:00-дегі жағдай бойынша Алматы болжау полигонында сейсмикалық жағдай тұрақты екенін атап өтеміз. Алматы болжау полигоны ауумағында МСК-64 (К) сейсмикалық шкаласы бойынша қатты жер сілкіністері күтілмейді", — деді Сейсмологиялық байқау және зерттеулер ұлттық ғылыми орталығы директорының ғылым жөніндегі орынбасары Ерік Әліпұлы.

Естеріңізге сала кетейік, бүгін, 4 желтоқсанда Алматыда жер сілкінісі тіркелді. ТЖМ мәліметінше, жер сілкінісінің ошағы Қытай аумағында, Алматы қаласынан оңтүстік-шығысқа қарай 277 км жерде орналасқан.

Жер сілкінісі сезілуінің (MSK-64 шкаласы бойынша) есептік қарқындылығы Алматыда – 3 балл.

Артынша жер сілкінісіне байланысты халыққа жедел психологиялық көмек көрсету мақсатында сенім телефоны іске қосылды.

Сондай-ақ қала әкімдігі үндеу жасап, мегаполис аумағы мен өзен арналары тексерілгенін хабарлады. Қала ТЖД мәліметінше, зардап шеккендер мен қираған нысандар туралы ақпарат түспеген.

Мәтіннен қате тапсаңыз, бізге жазыңыз