Бүгін футзалдан Чемпиондар Лигасында қос командамыз сынға түседі

Соңғы ойында алматылық ұжым Бельгияда 7:3 есебімен жеңіске жетсе, ал семейліктер "Пьяст" командасымен 3:3 есебімен тең түскен болатын.

Алматыда УЕФА Чемпиондар лигасының 1/8 финалындағы қарымта кездесу өтеді. "Қайрат" өз алаңында бельгиялық "Андерлехтті" қабылдайды. Матч 20:00-де Балуан Шолақ аренасында басталады. Кездесуді QazSport арнасынан тамашалай аласыздар.
Ал, Польшаның Гливице қаласында "Семей" Чемпиондар лигасының 1/8 финалында "Пьяст" командасымен шешуші матч өткізеді. Ойын 23:00-де басталады. Тікелей эфир — QazSport арнасында.

1/4 финал матчтары 23 ақпан мен 6 наурызда өтеді. Тізімде алғаш көрсетілген командалар алғашқы ойынды өз алаңында қабылдайды.

• “Йорринг” / “Этуаль” – “Семей” / “Пяст”

• “Хит” / “Пальма” – “Приштина 01” / “Рига”

• “Араз” / “Бенфика” – АЕК / “Спортинг”

• “Спортинг-Андерлехт” / “Қайрат” – “Луксол Сент-Эндрюс” / “Картахена”

Төрт ширек финалдық жұптың жеңімпаздары 8–10 мамыр аралығында Италияның Пезаро қаласында өтетін финалдық турнирге жолдама алады. Жартылай финалдың жеребесі бөлек тартылады.