Асықата кентінде заманауи спорт кешені ашылды

Елімізде алғаш рет ауылды жерде үстел теннисі орталығы ашылды.

Қазақстан Республикасы үстел тенисі федерациясы осылайша ел Президенті Қасым-Жомарт Тоқаевтың бұқаралық спортты дамыту туралы тапсырмасын жүзеге асырды, деп хабарлайды inbusiness.kz сайты.

Заманауи спорт кешені Түркістан облысына қарасты Асықата кентінде бой көтерді.

Жалпы аумағы 1800 шаршы метрден асатын нысанда бір мезетте 200 спортшы жаттыға алады. Одан бөлек түрлі байрақты бәсекелерді өткізуге де мүмкіндік бар.