Әуежайдағы шабуыл кезінде полицейлер алгоритм бойынша әрекет еткен

Қазір қызметтік тексеру жүргізіліп жатыр.

Ішкі істер министрінің орынбасары Санжар Әділов Алматыдағы әуежайда болған оқиғаға қатысты пікір білдірді, деп хабарлайды inbusiness.kz сайты.

"Әуежай аумағында болған көлік полициясының қызметкерлері тиісті алгоритмдерге сәйкес әрекет етеді. Осы оқиға бойынша айтсақ, олар да күдіктіні қарусыздандыру ісіне де қатысты. Қазіргі таңда бұл дерек бойыншы қызметтік тексеру жүргізіп жатырмыз", – деді Санжар Әділов.

ІІМ өкілі бұл факт бойынша үш қылмыстық іс қозғалғанын еске салды.

"Өздеріңізге белгілі, әуежай стратегиялық маңызды нысан болып саналады. Онда көп адам болды. Сондықтан да қару қолдануға қатысты ақпаратты мұқият тексеріп, пысықтау қажет болатын. Бұл жағдайда қарапайым азаматтың ерлігін көріп отырмыз. Тағы да қайталап айтқым келеді, полицейлер алгоритм бойынша жұмыс істеді", – деді вице-министр.