Президент мемлекет басқаруда жапон тәжірибесін қолдануды ұсынды

Мемлекет басшысы озық шешімдерді мемлекеттік басқару саласына енгізуде Жапония тәжірибесіне назар аударуға шақырды.

Оның сөзінше, жасанды интеллект және цифрлық технологияны дамытуға баса мән беру керек, деп жазады inbusiness.kz сайты.

"Жасанды интеллект және цифрлық технологияны дамытуға баса мән беру керек. Менің өткен аптада Жапонияға ресми сапармен барғанымды білесіздер. Сапар кезінде Токио губернаторымен кездестім. Түрлі салада ынтымақтастық орнатуға келістік, цифрлық технологияларға ерекше назар аудардық. Токиодағы Smart City жобасымен таныстық. Жапония озық шешімдерді мемлекеттік басқару саласына енгізу тұрғысынан зор табысқа жетіп отыр. Біз осы бағытта тәжірибе алмасатын болдық", – деді Мемлекет басшысы Қасым-Жомарт Тоқаев.