Суши жеп уланғандар: Түркістан полициясы қылмыстық іс қозғады

Түркістан облысы ПД баспасөз қызметі қаладағы жағдайға қатысты түсініктеме берді.

Түркістан облысында 22 адамның сушиден улану оқиғасына қатысты полиция қылмыстық іс қозғады, деп хабарлайды inbusiness.kz сайты.

"Түркістан қаласындағы адамдардың улану фактісі бойынша полиция ҚР ҚК-нің 304-бабы "Санитариялық қағидаларды немесе гигиеналық нормативтерді бұзу" бойынша тергеу жүргізуде. Сараптама тағайындалды.

Қазіргі уақытта барлық мән-жайды анықтау бойынша қажетті іс-шаралар жалғасуда. Олардың нәтижелері бойынша тиісті шешім қабылданатын болады", – делінген ПД хабарламасында.

Айта кетейік, бұған дейін Түркістан қаласында 22 адам сушиден уланып, ауруханаға жеткізілгенін жазған болатынбыз.